Wednesday, October 18, 2017

ලොව සියලු දරුවනට හොඳම දේ හිමි නේද?


අධිකරණයෙහි හිඳ සිටින මවුවරුන් අත දරන කිරිකැටියන් වෙනුවෙනි;

මගේ ඇස මට ඔබෙන් ඉවත් කළ නොහැකිය
පුතුනි ඔබ සතුද ඇස ඇද බඳින අයස්කාන්තයක්
ලෙළවමින් කුඩා අත් පා මුව හොවන කල මවු උර මත
එ'මවු හද මත දැවෙන ගිනි පලිඟුවක උණුසුමක් වෙද ඔබට

"දුකින් තටු ගසා ලෙය සිඳේවිද
පුතේ කිරිවේල මඟ හැරේවිද
හැඬුම් එන විට නවත ගත යුතු නොවෙද
ලොව සියලු දරුවනට හොඳම දේ හිමි නේද"

රස්නයෙන් විඩා ලන කිරි කැටි සිනා වියළ යන
කතරක අතරමං වන කරුණ කිසි රජුන් නොවිමසන
කළ කම් අනුව පල දරන කියා කිව්වත් දහම
කිරි කැටි සිනාවක මුදු අතක අත්ලක කඳුළක් තබා හිනැහිය හැකිද

ලොව සියලු දරුවනට හොඳම දේ හිමි නේද?

Shasika Amali Munasinghe
Picture - Steve Hanks Painting

No comments:

Post a Comment